Селекторот на македонската фудбалска репрезентација Чедомир Јаневски го соопшти списокот на фудбалери на кои ќе смета за пријателскиот натпревар со Полска, што ќе се одигра на 14 декември во Анталија. На него се најдоа 19 фудбалери од домашното првенство, како и двајца интернационалци. Што се однесува до играчите од домашниот шампионат, најмногу фудбалери (5) има од Вардар, а потоа следува Напредок како клуб најзастапен со „домашни репрезентативци“ (4), а еден фудбалер е повикан и од редовите на Силекс. Иако првично беше најавен напаѓачот Стојанче Велинов како потенцијален репрезентативец, во финалната верзија тој отпадна, но затоа влета Даниел Божиновски, кој навистина со одбраните во есенската полусезона делуваше импресивно на голот на Силекс. Можеби на списокот на Јаневски требаше да се најде место и за Даниел Лампевски, но можеби во некоја идна прилика.

 Првиот собир на оваа „домашна репрезентација“ е закажан за в недела во хотелот „Континентал“ во Скопје.