Фудбалерот од средниот ред на Вардар Андреј Ацевски и официјално оди на позајмица во екипата на Силекс од Кратово. Ова е одлука на стручниот штаб кој го пушта како отстапен фудбалерот од средниот ред и се договори со Силекс до крајот на актуелната сезона да игра во оваа екипа.
Минатата есенска полуетапа Ацевски ја мина во таборот на Вардар и играше на еден натпревар, додека ланската сезона беше позајмен на Македонија ЃП. Играчот за врска е вториот кој оваа зима оди на позајмица. Вчера истото го стори и стоперот Стојан Стојчевски, кој замина отстапен во тимот на Тетекс.