Гледачите на фудбалското дерби Силекс - Шкупи кое вчера се дигра во Кратово беа сведоци на гафот на најдобриот македонски судија Александар Ставрев. Имено, во последните мигови од мечот, по еден прекршок што го направи Баже Илијоски врз играч на Силекс, Ставрев се стрча кон него и му покажа директен црвен картон. Во меѓувреме, го извади жолтиот картон и го запиша во него името на Илијоски, но не го крена високо за да се види дека ја променил одлуката, или дека можеби по грешка го доделил црвениот картон.
Како и да е, и големите судии со огромно интернационално искуство не се имуни на грешки.