Сите очекуваа да биде рутински меч во кој фаворитот КМФ Кратово без многу мака ќе слави победа, но излезе трилер меч во кој малку недостигаше КМФ Мал Ајакс да си замине со бод од ова тешко гостување. По голема борба, домаќините славеа со 4-3, откако гостите водеа на полувреме со 0-1. Во вториот дел кратовци се разиграа, и преку головите на Бобан Начковски, Валентино Михајлов, Никола Илиевски и Влатко Илиевски стигнаа до големи три бода. Со овој триумф Кратово останува во битка за четвртото место со Железарец и Астибо.
