Џабе скапи подготовки во Анталија, џабе добра тактичка подготовка за мечот со Пелистер, кога временските услови по втор пат за десет дена ги одложија мечевите на Силекс во домашниот шампионат. Додуша, не само снегот, кој и онака не беше во дебелина поголема од еден сантиметар, туку и судијата Јосип Бартон беше виновникот што овој меч не започна. Иако кратовци инсистираа мечот да се одигра, гостинските фудбалери и официјалните лица на мечот пресекоа дека овој меч ќе се игра во нов термин.
