По голема борба, фудбалерите на ФК „СИЛКРАТ“ од Кратово денеска излегоа како победници во бараж дуелот за пополнување на третолигашкиот регион. На неутрален терен во скопско Марино, кратовци го совладаа тимот на ССК Нова од Драчево со 3-2 и обезбедија пласман еден ранг погоре. Силкрат поведе во 5-тата минута преку Драган Стефанов, израмни Зиков во 42 минута. Во вториот дел повторно Стефанов донесе водство од 2-1, а веќе во 58-та минута Љупчо Доневски зголеми на 3-1. За неизвесна завршница се погрижи Зиков во 82 минута, поставувајќи ги конечните 3-2.

За СИЛКРАТ настапија: Николов, Гичевски, Петровски, Антовски, Стојановски, Јовановски, Илиев, Давитковски, Стефанов, Начковски, Ценов. На клупата беа Додевски, Павловски, Доневски, Ивановски и Ѓорѓиев.

За успехот на клубот заслужни се и претставникот на клубот Ласте Петровски, тренерите Стојан Арсовски, Владе Анастасов, Борче Атанасовски и Бранко Митевски, како и Стојан Доневски.