Реконструираниот фудбалски стадион во Кратово познат под името „Мусала“ дефинитивно се вбројува во редот на фудбалски храмови кои се изградени на најчудни, речиси неверојатни локации. Ова фудбалско игралиште се наоѓа на највисоката кота во градот, на над 700 метри надморска височина, сместено во карпи од една страна, надвиснато над амбис од друга страна и залепено до најблиските куќи на кратовската Чаир - маала. До него се стигнува по тесни сокачиња со коцка, во најдобар случај со мини-бус.
Порталот „Аберџија“ истражуваше кои се најчудните фудбалски стадиони во светот и откри дека неколку стадиони навистина заслужуваат да се најдат на оваа листа на најчудни стадиони во светот.
1. Мусала - Кратово, Македонија
2. Мунисипал - Брага, Португалија, изграден во каменолом
3. Кантрида - Ријека, Хрватска, изграден во карпи и на самиот морски брег на Јадранско море
4. Хернандо Силес, Боливија, изграден на 3.637 метѕри надморска висина
5. Свангаскард, Фарски острови, изграден на десеттина метри од морето
