Кратовчани добија ново повеќенаменско игралиште. Вицепремиерот и министер за финансии, Зоран Ставревски, заедно со директорот на Агенцијата за млади и спорт г-динот Александар Пујовски, министерот за труд и соц.политика Диме Спасов и градоначалникот на општина Кратово Мите Андоновски, го пушти игралиштето во употреба.
Со изградбата на повеќенаменското игралиште во околината на с.Крилатица и с.Трновац, ќе се овозможат услови за непречен развој за тренинг на спортистите и граѓаните да рекреираат на истото. Воедно со тоа ќе се овозможи правилно насочување на младите во борбата против пороците.
Изградбата на игралиштето е во вредност од 7 милиони денари.
