Откако му истече договорот со кратовски Силекс, струмичанецот Благој Гуцев реши да побара нов предизвик. Овој пат „машинката“ од Струмица реши тоа да биде интернационален трансфер, во косовскиот прволигаш Трепча од Митровица.
-Имам примамливи понуди од Грција и Ренова, но понудата на Трепча беше финансиски најисплатлива, па се решив да продолжам во Косово. Потпишав договор на една година, па се надевам дека ова ќе биде во фунција на мој напредок на фудбалски план - вели Благој Гуцев.
