На неколку дена пред стартот на летните подготовки, полека почнува да се оформува костурот на тимот на новиот прволигаш Силекс. Познати се имињата на „квартетот“ нови играчи, како и на четворица од стариот состав кои остануваат и понатаму во „сино-црвениот“дрес. Од редовите на Металург доаѓа Мирче Џонов, а на средината на теренот ќе оперира Крсте Тодоров. И двајцата се поранешни играчи на второлигашот Миравци. Во дресот на Силекс ќе настапуваат и двајца повратници, Марјан Мицков од Еуромилк и голманот Трајче Ников од Мирави.
Во клубот останува и капитенот Стојанче Велинов, голгетерот Николчо  Ѓорѓиев, Александар Пановски и Горан Симов.
Што се однесува до тренерската позиција, до среда ќе се знае името на новиот кормилар на трикратниот првак.