Пред неполн месец потпиша за новиот бугарски прволигаш Ботев Враца, а не дочека да заигра ниту една минута на официјален меч во новиот клуб. Ова му се случи на пробиштипјанецот Ангелче Тимовски, кој од денес повторно е слободен играч во потрага по нов клуб, откако спогодбено го раскина договорот со Ботев. Неофицијално дознаваме дека клубот не ги испочитувал договорените услови со Тимовски, па од тие причини поранешниот играч на Силекс одлучи да си замине од таборот на Ботев Враца.
Сега на потег се македонските клубови, кои добро се запознаени со квалитетите на Тимовски, иако не е исклучена опцијата Тимовски повторно  да направи интернационален трансфер.