Српскиот тренер Небојша Петровиќ, познат на македонската јавност како тренер на Силекс во два наврата, најде нов тренерски ангажман.
Од утре Петровиќ, познат под прекарот Марадона, е нов тренер на суперлигашот Рад од Белград. Тој во таборот на „градежниците“ доаѓа во улога на спасител, слично како лани во исто време кога дојде во Кратово да го спаси од испаѓање, но не успеа во намерата. Рад по 12 кола е претпоследен со само 10 бода, во зоната на испаѓање.
