Иако на Силекс одлично му оди, лидерот во второлигашката конкуренција и понатаму ги засилува своите редови. Нови членови на составот од Кратово се офанзивците Благој Левков и Александар Пановски. И двајцата досега го носеа дресот на велешки Борец, против кого Силекс ќе се сретне за десеттина дена. Доколку не бидат навреме регистрирани, нивното деби во „сино-црвениот“ дрес може да се случи токму на гостувањето во Велес против својот досегашен клуб. Левков постигна три погодоци во првите 9 кола, додека Пановски дури девет пати ги решеташе противничките мрежи.
