Бугарскиот интернационалец Свилен Штерев е ново име во Силекс. Утринава со него е потпишан договор со важност од шест месеци, значи тој ќе го носи дресот на кратовци до крајот на оваа сезона. Во случај и двете страни да бидат задоволни од соработката, тогаш договорот може да се продолжи.

Инаку Штерев треба утре да се појави во кампот на Силекс во Анталија и да отпочне со работа со своите нови соиграчи.

Свилен Штерев има 28 години, игра во средниот ред а досега настапувал за екипите на Етар, Дунав, Галабово, Марица, Монтана, Спартак Варна, Обориште, Пирин.
Инаку, кратовци го одиграа првиот контролен меч во Анталија и загубија минимално од срспкиот суперлигаш Нови Пазар со погодок во финишот на мечот.