Во шестото коло од ПМФЛ, Ренова убедливо го совлада на домашен терен кратовски Силекс со 2-0. Стрелци на головите беа Вулнет Емини во 33. и Душан Симовски на пет минути пред крајот, со што „гипсарите“ се искачија на третото место на табелата зад Вардар. Кратовци по петтиот пораз во шест кола, останаа на делба на последната позиција со три бода, колку што има и Тетекс.

Она што загрижува на гостувањата е хроничната неефикасност, бидејќи Силекс сеуште нема постигнато погодок на трите гостувања. извештаите од гостувањата велат дека кратовци не играат толку лошо, и кога губат, не губат убедливо, но проблем останува реализацијата. Веќе в недела ќе има можност за поправен, гостува забревтаниот Вардар, а тоа е мотив плус за пожртвувана игра, втор триумф и излез од кризата.