По трите ремија со Шињик, Динамо Тбилиси и Кишварда, македонскиот прволигаш Силекс го доживеа првиот пораз на подготовките во Анталија, Турција, каде се наоѓа веќе една недела. Избраниците на Жикица Тасевски во четвртиот пријателски меч загубија со минимални 0-1 (0-0) од унгарскиот второлигаш Балмазујварош.
До победата унгарскиот колектив го водеше Адам Фекете, кој погоди во 62. минута од натпреварот. Шанса на дуелот добија сите фудбалери на кратовскиот прволигаш.
