Деновиве фудбалскиот прволигаш Шкупи ја разбранува фудбалската јавност во земјава. Првин не сакаше да гостува во Кратово поради лошиот терен, па откако ФФМ даде дозвола да се игра во Кратово, удрија по федерацијата дека била за едни мајка, за други маќеа. Па бараа оставка од комесарот за натпревари Васко Дојчиновски, а на крајот ќе мора да играат на теренот во Кратово. А и нема зошто да се жалат. Денес бевме во инспекција на стадионот во Кратово и констатиравме дека топлото време и вредните работници одлично ја завршиле работата и утре двата тима ќе имаат одлични услови за игра. Со други зборови, теренот во Кратово е „бонбона“, за каков гостите може да сонуваат кога играат на Чаир.