Фудбалската јавност во земјава, а особено кратовчани ги интересира што се случува во моментов со поранешните фудбалери на Силекс и на македонската фудбалска репрезентација, голманот Мартин Богатинов и напаѓачот Стевица Ристиќ. Богатинов го нема ниу на голот, ниту на резервната клупа на Карпати во првите 4 кола од украинскиот шампионат. Истотака, и Стевица Ристиќ речиси цел месец е без нов клуб, откако се прости од дресот на корејскиот Сувон.
Интересно е што и двајцата ги нема на списокот на селекторот Чеде Јаневски за пријателскиот меч со Бугарија кој се игра следната недела. На местото на Богатинов е повикан Тофилоски од Кошице, а во нападот нов кандидат е Јован Костовски од Вардар.