Фудбалерите на Силекс денес (15ч.) ќе ја пречекаат Ренова, клубот со кој ја делат петтата позиција со ист број бодови. Благ фаворит е домашниот тим, токму поради предноста што играат на свој терен.
-Очекувам тежок меч со Ренова, која има исто бодови со нас и важи за квалитетен тим. Играме на свој терен, пред своја публика, и тука ја гледам шансата да стигнеме до три бода. Мора да дадеме максимум за да победиме и останеме во битката за излез во еврокуповите - вели бекот Филип Глигоров.
Судија на мечот ќе биде Александар Ставрев, кој и порано делел правда на мечевите меѓу Силекс и Ренова и редовно бил таличен за кратовци.