Фудбалерите на Силекс се на заслужен одмор, а како што најавува шефот на стручниот штаб, Жикица Тасевски, подготовките ќе започнат на 8 јануари. Кон крајот на јануари кртовци ќе заминат во Анталија, каде ќе се подготвуваат за претстојната пролетна полусезона.
„Планираме повторно да заминеме за Анталија на двонеделни подготовки, а веќе имаме и закажано пријателски натпревари со 4-5 противници, меѓу нив Арка Гдиња, Кубан Краснодар и Динамо Тбилиси.  Верувам дека ќе го оствариме планот, а потоа ќе се обидеме да останеме во трката за висок пласман. Ќе има и засилувања за пролетниот дел од сезоната, а првото е повратникот Ѓорѓи Танушев“, вели тренерот Жикица Тасевски.