Иако не прикажаа блескава игра, сепак, се чини дека фудбалерите на Силекс незаслужено останаа без трите бода на мечот со Македонија ЃП (1-1), затоа што главниот судија Марјан Ецкоски поништи регуларен гол на Игор Недељковиќ во 71-та минута. Ацевски од работ на шеснаесетникот додаде до српскиот напаѓач, кој ја прими топката избегнувајќи офсајд стапица, по што следеше реализација за 2-1. Но, тогаш се крена знаменцето на асистентот Лозаноски, по што Ецкоски покажа офсајд. Дека судиите згрешија, многу добро се гледа на фотографијата, а ситуацијата може да се види и на видеото (почнувајќи од 1.05 секунди).