Кратовци ја продолжија одличната серија без пораз во подготвителните средби пред стартот на пролетната полусезона. За неполн месец по вторпат „жртва“ на кратовци беше Осогово, лидерот на третолигашката табела - Исток.
И во овој натпревар прволигашот покажа дека е подобро подготвен во моментот од кочанчани. Силекс победи со 3:1 (3:0). Стрелци на головите беа Павловиќ, Стаменковиќ и еден автогол си постигнаа домаќините.
Според планот, доколку временските прилики дозволат, в недела е закажана генералката против Брегалница Штип во Кратово.
