Фудбалерите на прволигашот Силекс и понатаму немаат победа во подготвителниот период, но барем проработи нападот на последните две контролни средби. Викендов кратовци одиграа 2-2 во Гостивар, а стрелци беа Велинов и Тимовски. Денеска на терените на ФФМ Силекс ремизираше со второлигашот Скопје со погодокот на Игор Недељковиќ, за конечни 1-1.
Мечот го одбележа еден непријатен момент, кога младиот Роберто Стојков доби комплетно „нов“ изглед на лицето. Со намера да изблокира еден волеј-удар на противнички играч, топката со голема брзина удри директно во лицето на Стојков, при што настрадаа носот и устата на виничанецот, но за среќа нема скршени заби.