Бугарскиот второлигаш Вихрен е освојувач на годинашниов 15. меморијален турнир „Вуко Каров 2012“ кој викендов се одржа во Кавадарци.
Вихрен во денешното финале го совлада кратовски Силекс со 2-0, во натпревар во кој гостите од Сандански постигнаа по еден гол во двете полувремиња, доволни за освојување на трофејот.
Претходно, во натпреварот за третото место домашниот Тиквеш, во второлигашката пресметка беше поуспешен од Победа Јуниор совладувајќи го со убедливи 4-0.
Наградата за најдобар фудбалер на турнирот му припадна на фудбалерот на Силекс, Ѓорѓи Заревски.
