Денеска во просториите на ФФМ беше извршено извлекувањето на полуфиналните двојки во фудбалскиот куп на Македонија.
Ждрепката сакаше во полуфиналето да се состанат најтрофејниот тим во Купот, Вардар (петпати победник) и екипата на Шкендија, која единствена од полуфиналистите нема триумф во ова натпреварување. Првиот натпревар ќе се одигра на 17.април 2013 година во Тетово во 16 часот.
Според тоа во второто полуфинале ќе играат Силекс и Тетекс. Тимот од Кратово во два наврати бил победник на Купот, додека Тетекс еднаш го има освоено пехарот. Првиот натпревар се игра во Кратово.
Реванш натпреварите се закажани за 2.мај 2013 година со почеток во 16 часот.
