Фудбалерите на „Силкрат“ од Кратово се закитија со шампионската титула во меѓуопштинската лига, во која учество земаа по три екипи од Кратово и Крива Паланка. Тие на убедлив начин, со само едно реми и дури девет победи и освоени 28 од можни 30 бодови, го кренаа пехарот наменет за победникот во лигата. Нив ги очекува бараж дуел за пласман во регионот, а силите ќе ги одмерат на неутрален терен во скопско Марино, против екипата на Драчево. Им посакуваме среќа и триумф за пласман во регионот.
