Силекс последната пречка за освојување на третиот трофеј во Националниот куп ќе ја има во екипата на Академија Пандев. Тренерот на Силекс, Горан Симов вели дека е време по 24 години пауза трофејот да се врати во Кратово.
„Максимално сме мотивирани, по цели 24 години сакаме пехарот да го вратиме во Кратово. Потоа ќе мислиме на баражот, секако, и тоа е многу важно, да останеме во Првата лига. Сите се подготвени и максимално фокусирани“, вели Симов.