На подготовките кои романскиот шампион Стеауа ги има во Марбела (Шпанија), романскиот шампион денес играше пријателски натпревар против Локомотив Пловдив, еден од низата што се предвидени за тест-фазата на Стеауа во Марбела. Романците загубија со 1-2 од тимот во кој помошен тренер е Жикица Тасевски, а на голот на Стеауа дебитираше кратовецот Мартин Богатинов. Иако прими два гола (првиот од пенал), сепак, Богатинов може да биде задоволен бидејќи имаше 3-4 фантастични интервенции, спасувајќи го својот тим од потежок пораз.
