Десниот бек на фудбалскиот прволигаш Пелистер, Томе Китановски (21), кариерата ќе ја продолжи во романскиот второлигаш Универзитатеа Крајова. Младинскиот репрезентативец потпишал договор со моментно четвртопласираниот тим, во втората по квалитет романска лига. Романските медиуми не објавија детаљи за траењето на договорот.
Китановски има повеќе настапи за младата репрезентација, а дебитираше и за сениорскиот тим на пријателскиот дуел со Полска. На клупски план го носел дресот на матичниот Пелистер. Оливер Арсовски
www.vest.mk
