Екипата на Силекс по 11 натпревари конечно успеа да ја прекине црната серија и да слави на гостувањето кај Пелистер со убедливи 2:4, но доколку кратовчани сакаат да останат во првата лига ќе мора до крајот да победуваат на сите натпревари. Тренерот Трајче Сенев го истакна доброто судење на Александар Ставрев во Битола, и нагласи дека теоретски шанси за опстанок постојат. Првата пречка ќе биде Дрита, екипата којашто има осум бодови предност токму во однос на Силекс, па со евентуален триумф на домаќините, Силекс ќе си ги зголеми шансите за опстанок во лигата, односно да игра во баражот за опстанок.