Една седмица подоцна од прволигашите, денес тргнува и второлигашкиот фудбалски караван. Можеби најголемите фаворити за влез во елитата, Силекс и Миравци денес во Кратово (17.30ч) ќе ги одмерат силите во премиерниот меч за кратовци како второлигаш. Избраниците на тренерот Трајче Сенев се убедени во триумф, откако имаа квалитетни подготовки и добри резултати во подготвителниот дел. Во трката за првите две места кои водат во елитното друштво како кандидати се јавуваат Тетекс, Дрита, можеби и Скопје. Битката за опстанок ќе биде многу интересна, затоа што дури шест екипи директно ќе испаднат.