По ремито пред неколку дена со Младост Лучане, фудбалерите на Силекс и денеска одиграа мирољубиви 0-0 на гостувањето во Струмица против Беласица. Според информациите што ги добивме, кратовци играле со комбиниран состав, со играчи кои досега поретко добиваа шанса. Тренерот Трајче Сенев неколку играчи од стандардниот состав ги одморал на овој меч, но и покрај тоа Силекс бил поблиску до победата.
Следниот контролен меч Силекс го игра следната сабота со Брегалница, што ќе биде „генералка“ пред стартот на пролетната сезона.
