Со погодокот на Генц Исени кој редовно постигнува голови против Силекс, екипата на Работнички ги освои драгоцените три бода во борбата за опстанок во прволигашкото друштво. Во просечен меч домаќинот беше за нијанса подобар и заслужено дојде до победата иако гостите од Кратово во вториот дел правеа притисок за израмнување но не створија изгледна шанса.
Први се заканија домаќините во 12 минута кога Ристовски упати удар.
Во 24. Брдаревски одлично нафрли од десната страна највисок во скокот беше Исени и со глава ја смести топката зад грбот на Божиновски.
Во финишот од првиот дел во една мешаница пред домашниот гол топката беше зафатена од повеќе игра и за малку да го изненади Манчевски.
Во вториот дел Силекс ја отвори играта па домаќинот лесно пробиваше по бочните позиции. Брдаревски одлично нафрли од десната страна но Ступиќ пропушти колосална прилика за втор гол за Работничкик. Во 65м Ристовски одлично центрира, влета Исени но го префрли голот. До крајот на средбата се заканија уште и Мијатовиќ и Ступиќ со удари од далечина но без проблеми за Божиновски.
Со идентичен резултат 1-0 славеше и Брегалница во пресметката со Пелистер, благодарение на погодокот на Ристе Наумов од пенал. Претходно и битолчани не успеаја да искористат удар од белата точка преку Димче Ристевски.
Екипата на Хоризонт Турново е новиот лидер на табелата во фудбалскиот шампионат, откако овој состав денеска ја совлада Ренова со 2-0 и го искористи најновиот „кикс“ на шампионот Вардар. Имено, скопските „црвено-црни“ не успеаја да ја оправдат улогата на фаворит на гостувањето против Тетекс, играјќи само 0-0 против „фенерџијата“ на прволигашката табела. Неколку седмици по поразот од Шкендија, стадионот во Тетово уште еднаш се покажа како кобен за „вардарци“, кои што загубија значајни бодови во битката за првото место на табелата. Иако имаа повеќе од играта, создадоа неколку убави шанси, избраниците на тренерот Милевски се соочија со проблем со реализацијата, што беше главна причина за само еден освоен бод на ова навидум лесно гостување.
Брегалница – Пелистер 1-0, Металург – Шкендија 0-1, Напредок – Дрита 1-1, Работнички – Силекс 1-0, Турново – Ренова 2-0, Тетекс – Вардар 0-0.
Табела: Хоризонт Турново 29, Вардар 28, Шкендија 27, Металург 23, Напредок 23, Брегалница 20, Дрита 20, Работнички 17, Ренова 17, Пелистер 12, Силекс 12, Тетекс 6.
