Напаѓачот на Силекс, Антонио Каланоски, доживеа голем пех на мечот со Пелистер, откако влезе во игра во 46-тата минута. При еден напад и нафрлена топка, Каланоски се судри со голманот Пашовски и со болна гримаса на лицето, беше изнесен на носилки од теренот.
-Снимките покажаа дека имам истегнување на лигаментите на десното колено, што за мене ќе значи пауза. Колку ќе биде долга, не знам ни самиот, но многу веројатно  е дека есенската полусезона за мене заврши нешто порано. Од понеделник почнувам со физикална терапија и се надевам на брза рехабилитација - изјави Каланоски за читателите на Аберџија.