Жикица Тасевски
„Победата на Шкендија е сосема заслужена. Ние пробавме да се надигруваме со нив, но се работи за многу квалитетен противник против кој тешко е да развиеш своја игра. Имавме една добра прилика во првиот дел преку Маркос, не ја реализиравме. Потоа примивме два гола, па веќе беше доцна за пресврт, иако во финишот имавме две зрели шанси“, истакна стратегот на Силекс.
Ќатип Османи
„Освоивме три големи бодови кои ни даваат една сигурност во продолжение на првенството. Што се однесува до мечот, мислам дека доминиравме во текот на сите деведесет минути. Можеби требаше да го решиме мечот уште во првиот дел, но и вака не е лошо. Им честитам на моите играчи за играта и борбеноста“, изјави тренерот на Шкендија.