Саемите се единствената можност за квалитетно претставување на туристичката понуда, запознавање на нови деловни партнери, истражување на пазарот и поставување на темел за идната маркетинг стратегија. Туризмот како стопанска гранка неминовно се вклопува во трендовите на општествениот и друштвен живот на 21 век.

Општина Кратово со свој изложбен дел ќе ја презентира и промовира својата историја, своите културни вредности, староградската архитектура, староградските носии, природната убавина на актуелните туристички дестинации и угостителски услуги, во придружба на Тамбурашкиот оркестар од Кратово.

Оваа година општината, заедно со Музеј на град Кратово и Хотел „Кратис“ Кратово ќе земат учество на овојгодинешниот саем за туризам кој започнува денеска четврток, а завршува во сабота на кој организаторот очекува посетеност од околу 30.000 луѓе.