Како никогаш досега, викендов во Кратово можеа да се видат повеќе нови непознати „фаци“, отколку домашни познати ликови. Пет-шест автобуси и десеттици автомобили полни со туристи во саботата го преплавија „градот на кулите и мостовите“, како претходница на бранот туристи кои се очекуваат за време на велигденските празници. Кратовци се шегуваат дека викендов никој не се секирал за своето здравје, затоа што 90-тина лекари и медицински персонал од скопска „Ремедика“ беа во посета на Кратово, одбележувајќи девет години од своето постоење.
