Уште само неколку часа до почетокот на Златни Денови Кратово. Се е подготвено за овогодинешното издание на оваа манифестација која викендов ќе ги собере најдобрите музичари од Балканов и Македонија на едно место. Некои од ѕвездите на Икс-фактор, како Боби Мојсовски, се тргнати на пат, а покрај најавените Боби и Давид Темелков, потврдено е дека ќе настапат и 9Контролс и ИВА.

Капацитетите се пополнети, се бара место повеќе по хотелите и апартманите. Очигледно, овој викенд сите правци водат во градот на мостовите и кулите. Настанот кој ќе ги обедини, зближи и поддржи македонските музичари е причина плус зошто овие денови треба да се биде во Кратово. 

За сите оние што вечерва нема да бидат во можност да бидат на Плоштадот „Павел Шатев“ во Кратово, директен пренос ќе врши националниот телевизиски канал Сител.