Хуманитарната акција за собирање на 54.000 евра за операција на Давид Стојановски во клиника во Виена се одвива забрзано, а донации стигнуваат од сите страни. Пред малку не известија дека Централно-кооперативна банка, која има своја експозитура и во Кратово, уплатила 2.000 евра на сметката на Давид, за да го помогнат неговото лекување во Австрија. Со тоа банката покажа дека е општествено одговорна компанија која води грижа за луѓето на кои им е потребна помош.
Да не заборавиме дека животот на Давид ќе продолжи и по операцијата во Виена, дека ќе му бидат потребни средства за продолжување на лекувањето во Скопје, за потребните лекарства, за квалитетно школување. И да не заборавиме дека неговото петчлено семејство живее во две мали сопчиња, а Давид и неговата сестричка имаат потреба од детска соба, која благодарение на добрите луѓе, убедени сме дека наскоро ќе ја добијат.