На средина од првиот дел од дуелот меѓу Силекс и Победа се случи мешаница меѓу Филиповиќ од една страна и Најдовски и Најдоски од друга страна. Во зовриената атмосфера влета и голманот на Силекс, Милан Митровиќ, кој ни крив ни должен, само поради неговиот излет до центарот на игралиштето, заработи жолт картон од судијата Марјан Стојановски. Митровиќ жестоко реагираше, а „заигра“ и неговата лева рака по задникот на главниот арбитар. Што зборувале, можеме само да претпоставиме, но знаејќи каков темпераментен голман е Митровиќ, веројатно му  рекол: „Доџи мали, да те бата Милан погали“.