Младите и талентирани хористи од кратовското средно училиште „Митко Пенџуклиски“ под менторство на музичкиот педагог Анкица Николова се вратија со највисоката награда од регионалниот натпревар одржан во Куманово. Во конкуренција на десетина хорови од училишта од Скопје, Куманово, Крива Паланка и други општини, нашите надарени ученици завршија на делба на првото место. По договор, на државниот натпревар ќе замине училишниот хор од Куманово, а за возврат Кратово ја доби организацијата на регионалниот натпревар што ќе се одржи догодина.
