Македонската музичка ѕвезда Даниел Кајмакоски е победникот на третата сезона на хуманитарното музичко поу „Твоето лице звучи познато“, а со тоа стана добитник на 25.000 евра кои тој одлучи да ги донира на семејство Додевски од Куманово, кое потекнува од кратовско. Се работи за братче и сестричка на возраст од седум и десет години кои боледуваат од цироза на црниот дроб, со тоа што Александар е во фаза на болсета кога итно е потребно да се направи интервенција која во Кина чини околу 100.000 евра.

-Ви благодарам многу луѓе. Додека траеше шоуто, размислував каде да ги донирам парите доколку победам. Решив парите да ѝ ги дадам на една самохрана мајка која има две болни деца кои боледуваат од иста болест, таа е од Куманово, а за операција на децата се потребни 100.000 евра. Се надевам дека ја донесов вистинската одлука – рече Даниел по прогласувањето на победата.
Проблемот на семејството Додевски го иницираа Канал 5 телевизија и веб-порталот Аберџија.