Врз основа на Оперативниот план за изменување и дополнување на Оперативниот план за активни програми и мерки за вработување и услуги на пазарот на трудот за 2016 година, за активната мерка – Обука за основни вештини за вработување на млади лица до 29 години (странски јазици и компјутери), Агенцијата за вработување на Република Македонија, објави:

 Јавен оглас до заинтересираните невработени млади лица до 29 години за учество во бесплатните обуки за основни компјутерски вештини

 Јавен оглас до заинтересираните невработени млади лица до 29 години за учество во бесплатните обуки за странски јазици

Локалниот Младински Совет на град Кратово денеска во Салата за состаноци на општина Кратово со претставници од Агенцијата за вработување – Кратово одржа презентација за активните огласи со младите лица кои се заинтересирани да се здобијат со знаење за основни компјутерски вештини и со знаења на странски јазици.

Невработените млади лица до 29 години кои се заинтересирани за учество на обуките треба да се пријават во Центарот за вработување на АВРМ во Кратово, каде се евидентирани како невработени лица и таму можат да ги добијат сите потребни дополнителни информации – контакт тел. 031 481 105.