Сергеј Самсонеко во интервју за емисијата „Во центар“ со Васко Ефтов откри колкав број на финансиски средства вложува во спортскиот бренд „Вардар“, односно трите клуба во негова сопственост на годишно ниво.

„Буџетот на женскиот и машкиот ракометн клуб за минатата сезона беше севкупно 7.5 милиони евра. Сезонава е нешто повисок, но не ја поминува цифрата од 8 милиони евра. Во фудбалскиот клуб Вардар пак минатата сезона потрошив 3.5 милион евра. Од друга странa, скорo па и ништо да не ми се враќа од вложеното“, изјави Самсоненко.

Како плод на вложувањата во македонскиот спорт, поточно фудбалскиот клуб Вардар, пред неколку дена Самсоненко на гала прославата на ФФМ доби признание за најдобар фудбалски работник на годината.