Даниел Дончевски по четврти пат го фати осветениот крст во водите на реката Вардар во Скопје. Од стотината верници кои скокнаа во водите, тој ја имаше среќата повторно прв да стигне до крстот. Дончевски е по потекло од Кратово, од селото Трновац, а прв пат крстот го фатил во 2007 година.
Се вели дека оној што ќе го фати крстот цела година ќе го следи среќа, здравје и благосостојба.
-Верувам во овие работи, голем христијанин сум, ова би сакал да го доживее секој, изјави Дончевски. Порталот „Аберџија“ му посакува крстот да му донесе среќа и благосостојба.
