Во холот на средното училиште „Митко Пенџуклиски“ во Кратово, денес се одржа традиционалнот новогодишен базар. Оваа активност на учениците е во рамки на проектот „Заедничка грижа за правилно насочување на учениците“, кој има за цел зајакнување на врската родител-ученик-наставник.
Проектот предвидува постигнување на целта преку заеднички активности во училиштето, односно преку организирање спортски, културни, забавни и едукативни активности во кои ќе учествуваат родителите, учениците и наставниците.
„Родителите, наставниците и учениците изработуваа сувенири, кои беа изложени во училишниот хол и истите беа продавани. Паричните средства од продадените сувенири ќе се искористат за хуманитарни цели“- велат Марија Петрова и Александра Трајковска, ученички во СОУ „Митко Пенџуклиски“.