Мелани Димитровска со свои креации на Битолската модна недела
Во рамките на Битолската модна недела, во петокот, своите нови креации ги претставија дизајнерките Мери Радончиќ од Скопје, Мелани Димитровска од Кратово и Јулијана Ѓоргиевска од градот-домаќин, Битола.
Талентираната креаторка Мелани Димитровска од Кратово се претстави со 10 футуристички креации во црна и во металик-боја, со ласерски сечења, набори и отвори. Креациите на нашата сограѓанка наидоа на одлична критика од модните критичари, кои и предвидуваат светла иднина на младата дизајнерка од Кратово.
