По вчерашниот триумф на Силекс над Тетекс, тренерот Зоран Штерјовски утринава одржа полесен тренинг, а следниот тренинг го закажа за петок попладне. Денешното убаво време интернационалците од Србија, Миљан Мијатовиќ, Игор Недељковиќ и браќата Стефан и Момчило Рудан го искористија за уживање во „Аквапарк“ Пробиштип, каде ги покажаа своите спортски извајани тела. Не е ни чудо што на мечевите на Силекс има се повеќе припаднички на понежниот пол, а можеби некој од нив ќе стане и кратовски зет. Близнаците Рудан немаат ништо против таквата идеја, додека Миљан и Игор имаат девојки во Србија, но никогаш не се знае.