Порталот www.aberdzija.com ви ги пренесува старите кратовски изреки што со векови нашите предци ги користеле на овие простори, а на младите генерации останува  да не ги заборават. Нив ни ги пренесе Стевче Доневски, кој ги собирал со години, а ги посветува на својот дедо Ное Бошков.

Од малку не се бој, на многу не се радуј

Тропни да ти отворет, потражи да ти дадет

С’пни га, очи да си искара

Врзи прст, тражи лек

Коњ се маме и со празна и со пуна зобница

Будала памте, паметан пишуе

Не болуе од болест, болуе од завидл’к

Летоска врти мотика, зимоска бистри политика

Мал мамак за мала риба, голем мамак за голема риба

Молитва у глава, мотика у рука

Некој носе, некој троше, некој просе

Или ќе газдују, или ќе гладују

Туѓите деца најбрзо раснет

Тужи праи најлко се бројат

Мала куќа, голем мир

На далеко не гледа, на блиско не виде, а игла уденуе

За секоја болка има билка

Лекот е пет пари, ама треба да га знаеш

Ако видеш попаметан, купуј школа... ако видеш попрост, ни купуј, ни продавај

За некога и петелот носе јајца

Заедничкото месо смрде преко два рида и кучиња не га јадет

Здравје и култура не можеш да купеш, а памет може да продадеш

Не ми е криво да ме ритне ат, него ми е јад што ме рита ќорав ат

Ако си мал, кучиња ќе те лает, ако си голем, чавки ќе те серет

Што повеќе знаеш, повеќе ќе си патеш

Некој нагодуе, некој нагаѓа, а некоја погаѓа

Старо вино и стара жена се сестри

Компир гледа, месо ваде

Не се радуј на гола маса, радуј се на гола жена