На 25-ти овој месец на амфитеатарот во Пробиштип на покана на Домот на културата “Злетовски рудар”, а на големо задоволство на широката публика ќе се случи голем стенд-ап настан со Бојан Велевски. Ова е негово трето гостување во градот во овие неколку години, откако претходно ја распродаде салата во Домот на културата и ја преполни големата тераса на кафулето “COOL”.

“Благодарност до Општината и Домот на култура за оваа нивна иницијатива. За жал, нема слух во локалните кафулиња за овој тип на забава, па затоа од овој настан најмногу ќе добие публиката која доаѓа во околните градови каде што настапувам за да гледа стенд-ап.” – вели, Бојан.

Мора да и признаеме на Општина Пробиштип за креативноста, па се поставува прашањето, зошто да не го поканиме Бојан ова лето и во Кратово. Забавата е загарантирана, тоа е сигурно. Додека чекаме ваков супер интересен настан да се случи во Кратово, ќе одиме да гледаме стенд-ап на амфитеатарот во Пробиштип овој четврток во 20ч.